Waarom Orania?

“Orania bestaan omdat Suid-Afrika uit ʼn veelheid van gemeenskappe bestaan. Orania gee aan die werklike stand van sake gestalte en wys dat die idee van ʼn reënboognasie nie beteken dat elke meter van Suid-Afrika presies dieselfde moet lyk nie. ʼn Gemeenskap soos Orania , as lewende voorbeeld van die ideologie van nuwe Suid-Afrikanisme, is ʼn gemeenskap wat werklik bestaan, niemand skade aan gedoen het nie en boonop met bitter min hulpbronne ʼn funksionerende dorp opgerig het.”

Orania is dikwels in die nuus, dikwels as ‘n jag na sensasie. Dis beter om self te kom kyk en te ervaar hoe die inwoners hule Afrikanerskap uitleef. Hier is baie geleenthede vir gewone mense, wat gewone dinge doen, en doodgewone lewens lei, maar wat verkies om dit te doen binne ‘n gemeenskap waar hulle nie hul grappies of denkwyse hoef te vertaal of vertolk sodat hul buurman dit kan verstaan nie.

Prakties gesproke is Oranie ‘n klein, maar snelgroeiende plattelandse dorp waar die inwoners dieselfde taal praat en – min of meer – dieselfde aanbid, werk, skoolgaan, kuier, eet, en ontspan.

Kom kuier, eet koeksisters, vang vis, besoek die spa, en maak jou eie besluit oor ons geliefde dorp.